ইম্ফাল ইষ্ট ডিষ্ট্রিক্ট
ইম্ফাল ইষ্ট ডিষ্ট্রিক্ট অসি কুমজা ১৯৯৬ কী জুন তাং ১৮ দা হান্না মমাংদা লৈরম্বা ইম্ফাল ডিষ্ট্রিক্টপু অনি থোক্না খায়দোকতুনা শেমখি, ডিষ্ট্রিক্ট অসি পোরোমপাৎতা ডিষ্ট্রিক্ট হেড ক্বার্টর ওইদুনা ইম্ফালগী নোংপোক থংবা মাইকৈবু কোনশিল্লি। ডিষ্ট্রিক্ট ( জিরিবাম য়াওনা) অসিগী অপুন্বা জিওগ্রাফিকেল এরিয়া অসি ৭০৯ স্কৱার কিলোমিটরনি। ডিষ্ট্রিক্ট অসি সমুদ্রগী ইমাইদগী মিটর ৭৯০ ৱাংই। ডিষ্ট্রিক্ট অসিগী চাওরাকপা লেটিচুটনা অৱাংদা ২৪º৩৯′৪৯.০৯″ অমসুং ২৫º৪′৫.৪৫″ মরক্তা লৈ অদুগা লোংগিচুটনা নোংপোক্তা ৯৩º৫৫′৩০″ অমসুং ৯৪º৮′৪২″ মরক্তা লৈ। সেনাপাটি ডিষ্ট্রিক্টনা অৱাং অমদি নোংপোক থংবা শরুক্তা লৈ, থৌবাল ডিষ্ট্রিক্টনা মখা থংবা শরুক্তা লৈ অদুগা ইম্ফাল ৱেষ্ট ডিষ্ট্রিক্টনা নোংচুপ থংবা শরুক্তা লৈ। ডিষ্ট্রিক্ট অসিদা চীং মচা মচাশিংসু লৈরি মমিং ওইনা পল্লবদা খুন্দ্রাকপম চীং, অঙোম লৈকাই (৮২০ মিটর), চীংঙারেন (৮০৪ মিটর) অমসুং চীংমৈরোং (৮০২ মিটর) নি। মাউন্ট নুংশিকোন অসি খুন্দ্রাকপমদা লৈ, মসিগী অৱাংবনা সমুদ্রগী ইমাইদগী িমটর ১১৬৮ নি, মসিনা ডিষ্ট্রিক্ট অসিগী খ্ৱাইদগী ৱাংবা মফম ওইরি। ডিষ্ট্রিক্ট অসি মখারোমদা ঙমথৈ। নোংমাইজিং চীং অসি সেনাপটি ডিষ্ট্রিক্টকী মনুং চল্লি, চীং অসি অৱাংলোমদগী হায়বদি কামেং খুলদগী ডিষ্ট্রিক্ট অসিগী চিদাই ফাওবদি মখারোমদা খরা ঙমথৈ, মসিগী অৱাংবনা মিটর ১৫৬৫ নি।
ডিষ্ট্রিক্ট অসি নিংথমথাগী মতমদা সেলসিয়স ডিগ্রি ০.৬ য়ৌনা ইংঙি অদুগা কালেনথাদনা শাবগী চাং অসি সেলসিয়স ডিগ্রি ৪১ নি। ডিষ্ট্রিক্ট অসিদা ট্রেন লম্বী লৈতবা মরমনা চৎথোক- চৎশিন অসি লম্বী শোরোক্তা ওইনা তৌই। এন ঐচ ২ অমসুং এন ঐচ ২০২ অসি ডিষ্ট্রিক্ট অসিদা ফাওদুনা চৎলি।
২০১১ দা তৌখিবা মীকোক থিবগী মতুং ইন্না ইম্ফাল ইষ্ট ডিষ্ট্রিক্ট অসিদা মী তাবগী চাংনা স্ক্ৱার কিলোমিতর অমদা মী ৬৪৩ নি , ষ্টেটকী অপুন্বা মীশিংগী চাদা ১৬ নি । ডিষ্ট্রিক্ট অসিগী খুঙ্গংদা নুপী- নুপা অনিগী রেশিও অসি নুপা ১০০০ দা নুপী ৯৯৫ নি অমসুং সহরগী মফমদনা নুপা ১০০০ দা নুপী ১০৫১ নি।
ডিষ্ট্রিক্ট অসিগী শেল থুমগী ফিভম অসি মরু ওইনা লৌউ-শিংউবদা মপাল তাংই অদুমকপু ইথৈ লৌখোং নিংথিনা লৈতবা অমদি লৌ উবগী অনৌবা লৌউ পথাপ অসি য়ামনা ৱাৎপনা লৌউ-শিংউবনা শেনদান লম্বী ওইনা ফজনা চংশিন্বা ঙমদে। য়ুমদা শুজবা, অপিকপা ইন্দস্ট্রি নত্তনা অচৌবা ইন্দস্ট্রি অমতা লৈতে। ডিষ্ট্রিক্ট অসিদা খ্ৱাইদগী মরু ওইনা চৎথনরিবা শেন্দান লম্বী অসি লৌউ-শিংউবা, ফিশা- লোনশা, লি- ৱা গী পোৎথোক পুথোকপা, চফু শাবা, য়োৎ শুবা, উ শুবা অমসুং কারবার মচা মচা অসিনচিংবনি। লৈজরিবা ইন্দস্ট্রি হায়ববু এস এস আই দা য়ুম্ফম ওইবা অপিকপা ইন্দষ্ট্রি অমসুং য়ুমদা শুজবা থবক মচাশিং অসিনি।