কলচর অমসুং হেরিটেজ

মালেমদা মণিপুর অসি মশাগী আর্ট অমসুং কলচর চাওখৎপদা মমীং চৎলি। মণিপুরী ক্লাসিকেল জগোই অসি মালেমদা মমীং চৎলি অদুগা ইন্দিয়াদা লৈরিবা জগোই অতৈদগীসু তোঙানলি।

রাস লিলা

রাস লিলা

রাস লিলা, মণিপুরগী মপুং ফারবা অমদি ফজরবা জগোই অসি রাধা অমদি কৃষ্ণ অনিগী থম্মোয় শেংনা নুংশিনবদা য়ুম্ফম ওইরগা শেমগৎপা জগোই মখল অমনি। জগোই অসি ব্রিনদাবনগী শঙ্গোম শুম্বী নুপী অমনা ঈশ্বর অসিদা থম্মোয় শেংনা মশাগী ওইজবা থাদোকতুনা উৎপা নুংশিবা অদুবু ফোংদোকলি। জগোই অসি লাইশংগী মমাংদা লৈবা মানদোপতা অহিং চুপ্পা পাংথোকই অদুগা ময়াম্না থৱাই তানা য়েংনৈ। রাস লিলা অসি মখল ৪ থোকনা শানৈ – বসন্তা রাস, কুন্জা রাস, মহা রাস অমসুং নত্তা/নিত্য়া রাস অসিনি।বসন্তা রাস অসি শ্রী শ্রী গোবিন্দজি মন্দির দা হিয়াঙ্গৈ ( নভেম্বর) গী পুর্ণিমাগী নুমিদাংদা শানৈ। শ্রী শ্রী গোবিন্দজি মন্দির দা শান্নরবা মতুংদগী চহি অদুগী শান্ননিংবা মতমদা শান্নবা য়ারে। মহা রাস অসিনা ভাগ্য়ভাতা গী ১০শুবা লাইরিক্তা য়ুম্ফম ওইবা লিলানি অদুগা বসন্তা রাস অসিনা জয়দেব গী গীট গোবিন্দা দা য়ুম্ফম ওইবা লিলা নি। ৫শুবা হায়বদি দিভা রাস অসিনা মরক মরক্তা রাস লিলা গা পুন্না শান্নমিন্নৈ। ইনাকখুল্লবা চৎনবীগী ফিজোলনাা আর্ট কী ফজবা অসি মতিক মঙাল হেন্না থোকহনলি।

মণিপুরগী পুং চোলোম

পুং চোলোম

পুং হায়বসি মণিপুরগী ড্রম মখল অমনি। খুয়োই তোম্পোক না পাল্লিঙৈ মতমদা (১৫৪-২৪৬ এ.ডি.) পুথোকলম্বনি, মতমদুদা পুং অসি য়ৈনবা মমায় অমখক্তমক পাল্লম্মী। অদুগী মতুংদা খরা শেমদোকতুনা হৌজিক লৈরিবা “মৈতৈ/মীতৈ পুং” অসিগী মাওংদা শেমখি। পুং অসি মণিপুর কলচরগী শরুক অমা ওইরিবা নত সন্কির্টন গী শরুক অমা ওইরকখি। পুং চোলোম হায়বসি পুং য়ৈবশিংগী জগোই অমনি মসিগী ফজরবা আর্টিষ্টিক ওইবা জগোই অসিনা মালেমদা মশক তাকপা ঙম্মী।

খোংজোম পর্ব্ব

মসি ঈশৈ গা লোয়ননা খোংজোম দা মণিপুরিশিংগা অমসুং বৃটিশ শিংগা এপ্রিল ১৮৯১ দা শোক্নখিবা লান অদুগী ৱারী লিবাদুনি। ধোবি লৈনৌ না খোংজোম পর্ব্ব অসি খুউ-দা খুৎনা য়ৈরগা শকপা হৌখি, করিগুম্বা মতমদা অহাংবা টিন অমদা খুৎনা য়ৈদুনসু মখোল থোকহনলগা শকই। খোংজোম পর্ব্ব শকপা শিংনা মণিপুরী লান্মী শিংনা মমা লৈবাকগীদমক্তা থৱাই থাদোকখিবা অদুবু থাগৎপা ফোংদোকই। ঙসিদি খোংজোম পর্ব্ব অসি খম্বা থোইবী গী মতাং, রামায়ন, মহাভারত অমদি মণিপুরগী নিংথৌ শিংগী ৱারীশু য়াওশিনলকলে। খোংজোম পর্ব্ব শকপা শৈশকপনা ঈশৈ শকপা মতমদা ধোলোক খক্তমক শিজিন্নৈ।

পেনা

পেনা অসি মখোল থোক্নবা মরি পানবা মণিপুরগী খোংনবা জন্ত্রা অমখকনি। পেনা গী হৌরকফম অসি থিরুবদা য়াম্না লীমনখ্রে। মসি অসামগী মফম খরদাদি বেনা হায়নসু কৌনৈ। মসি শরুক অনিনা পুনশিল্লগা শাবনি, মীং ওইনা পল্লবদা পেনা মশা অমসুং পেনা চৈজিং। ঙনলিঙৈ মতমদা পেনা অসি লাইরেম্বী কৌখৎপদা শিজিন্নরম্মী। অদুবু ঙসিদি জন্ত্রা অসি ঈশৈ নোংমাই অমদি অতোপ্পা থৌরমদশু শিজিন্নরে।

ৱারী লিবা

ৱারী লিবা অসি য়েলহৌঙৈদগী লৈরকলবা থৌরম থৌওং অমনি, মসি ষ্টেট অসিদা ১৭শুবা শতাব্দি দগী চৎনরকলি। মহাভারত অমদি রামায়নগী ৱারী লিবা অসি ৱারী লিবগী মরুওইবা হিরম ওইরম্মী। মণিপুরী খুনুং ঈশৈ অসি “খুলং ঈশৈ” হাইরগা খংনৈ। মসি নুংশি নুঙোলগী ওইবা মওংদা শৈথাদুনা শকপা মমিং য়াম্না চৎপা ঈশৈনি। হায়রিবা খুনুং ঈশৈশিং (ফোল্ক শোং) অসি খুঙ্গংগী মীওই অমদি চীংমী শিংনা লৌ লোকপা, শীং চনবা, শা তানবা অমদি ঙা ফাবা মতমদা শকই।