টুরিজম

ইম্ফাল ইষ্ট ডিষ্ট্রিক্ট অসিগী ফজরবা মফমশিং, শুমহৎনিংঙাই ওইবা মহৌশাগী ফজরব মফমশিং, হকচাং ফগৎনিংঙাই ওইবা ঈশিং- নুংশিৎ অমসুং ইনাক খুল্লাবা চৎন্নবিশিং অসিনা লমকোয়ফমগী অচৌবা চাওখৎলকনবগী ইনোৎ অমা পিরি। মসিবু মপুং ফহন্বনবগীদমক্তা ডাইরেক্টোরেট ওফ টুরিজম, মণিপুরনা কাইনাদা লমকোইবা মীশিংগী পোৎথনাফম অমদি থুংফম ওইনবা মফম শেমলি। সহরগী ময়াইমক্তদা লৈরিবা হোটেল ইম্ফালদা অনৌবা দরকার লৈবা পোৎলমশিং হাপচিন্দুনা ফগৎনবা হোৎনরি। ষ্টেট ইনষ্টিটিউট ওফ হোটেল মেনেজমেন্ট, কেটরিং তেক্নোলোজি অমসুং এপ্পাই্ড নিউত্রিসন অসি ইম্ফাল ইষ্ট নোংমাইচীংদা লিংখৎতুনা মফমসিগী মীওইশিংগী চাওখৎহন্নবগী পাম্বৈ ওইহনলি।

ইম্ফাল ইষ্ট ডিষ্ট্রিক্টকি লমকোইবশিংগী পুক্নিং চিংশিননিংঙাই ওইবা মফম খরদি-  শ্রী শ্রী গোভিন্দজি মন্দির, অন্দ্রো, সেক্তাগী আরকিওলোজিকেল লিভিং ম্য়ুজিয়ম, মুতুৱা বহাদুর ম্য়ুজিয়মশিংনি। বৃটিশকি ৱার গ্রেভ কম্মিসননা চলাইবা লানগী সিমিত্রি অনি অসিসু লমকোইবশিংগী পুক্নিং চিংশিনবা মফম ওইরি। মসিগী মথক্তা হিন্দুশিংগী অশেংবা মফম ওইনা কাইনাগী লাইশঙ লৈরি লোইননা অরিবা মতমগী মহাবল্লি লাইশঙসু লৈরি। মতম অমগী মহৌশাগী ফজবনা থম্লম্বা অপিক অপিকপা চীংদুমশিংনা কোইশিনবা থরো, থম্বাল অমসুং অতাওবা পাম্বীশিংনা মরাং কাইনা হৌরম্বা পোইরৌপাৎ ঙসিদি লৌউনবা মফম অমা ওনথোকখিদুনা নিংশিংবতা ঙাইরে।

ইম্ফাল ইষ্ট ডিষ্ট্রিক্টতা লৈবা লমকোইবা য়াবা মফম অমদি লমকোইবশিংগী মশিং

চহি ২০১৬-২০১৭ ২০১৪-২০১৫ ২০১৩-২০১৪
ইম্ফাল ইষ্ট ডিষ্ট্রিক্টতা লৈবা লমকোইবা য়াবা মফমগী মশিং ১৭ ১৭ ১৭
লমকোইবশিংগী মশিং (মীরৈবাক্কী) ৬৩৫ ১৫৪ ১৩২
লমকোইবশিংগী মশিং (লৈবাক্কী) ২০০৩২ ১৮৮৬৩ ১৭৯৩৯
লমকোইবশিংগী অপুন্বা মশিং ২০৬৬৭ ১৯০১৭ ১৮০৭১

খংজিনগদবা : গোভর্নমেন্ট ওফ ইন্দিয়া, মিনিষ্ট্রি ওফ টুরিজমগী চৎন পথাপকী মতুংইন্না লমকোইবশিংনা  অয়ুক- নুংথিল মতমখক কোইবা অদুগা অহিং লৈথদবা শিংদি লমকোইবনি হায়না লৌদে।

লৌথোকপম: ডাইরেক্টোরেট ওফ টুরিজম, মণিপুর