শেনমিৎলোন

সোসিও ইকোনোমিক প্রোফাইল

দিষ্ট্রিক অসিগী শেল-থুম গী শেনথোক লম্বীদি মরুওইনা লৌউ শিংউবনি, অদুমকপু ঈথৈ লৌখোং নিংথিনা পিবিদবা অনৌবা লৌউ পথাপ শিজিন্নদবা অসিনা হৌজিক ফাওবদি লৌউ-শিংউবনা শেন্দান লম্বীদা মপুং ফানা চংশিনবা ঙমদ্রি। দিষ্ট্রিক অসি অচৌবা ইন্দষ্ট্রি অমতা লৈতে, লৈরিবা হাইববু য়ুম য়ুমদা খরা শুজবা নত্রগা ইন্দষ্ট্রি মচা মচা তৌবা অসিনি। ময়াম্না পাকতক্ননা চৎথরিবা শেন্দান লম্বীশিংদা পনবা য়াবদি লৌউ শিংউবা, খুৎনা ফি লোনবা, লি-ৱাগী পোৎথোক পুথোকপা, চফু শাবা, য়োৎ শুবা, উ শুবা, ললোন ইতিক মচা মচা তৌবাশিং অসিনি। দিষ্ট্রিক অসিদা চৎথরিবা ইন্দষ্ট্রি গী থবক থৌরমশিং অসি ইস্মোল স্কেল ইন্দষ্ট্রি, কোটেজ অমসুং হাউ্স হোল্দ সেক্টরগী মনুং চনলি।

২০১৬-২০১৭ দা ঈথৈ লৌখোং লৈত্রিবা লমগী পাক চাওবা  অসি ৬.৯৭ হেক্টর নি।

২০১৬-২০১৭ দা ঈথৈ লৌখোং লৈরবা লমগী পাক চাওবা অসি ১৭.৪৯ হেক্টর নি।

ইষ্টাব্লিসমেন্ট অমসুং ইমপ্লোইমেন্ট

৬শুবা অরোইবা ইকোনোমিক সেন্সস, ২০১৩ গী রেপোর্ট কী মতুং ইন্না ইম্ফাল ইষ্ট তা লিংখৎলিবা ইন্দষ্ট্রি মশিং অসি ৪৫৩৪৬ নি। খুঙ্গংগী লমদনা ২৭০০৭ নি অদুগা সহরগী লমদনা ১৮৩৩৯ নি।

মখোয়শিং অসিগী মনুংদা ১৪০৬১ অসিনা য়োংখম অমদি ফিশা লোনশাগী ইন্দ্রষ্ট্রি নি।

দিষ্ট্রিক অসিদা থবক শুফম পুম্নমক্তা থবক শুবা মীশিং অসি পুন্না ৭৫১৭২ নি, হায়রিবাশিং অসিগী মনুংদা ৫৫.৬৯% না খুঙ্গংদা শুই অদুগা ৪৪.৩১% না সহরদা শুই।